داريخماق

بو اخشام خياليم گزير سيز لري                 ريحان كوچه لري بنفشه ائوي

آيريليخ ايلينين بو سون گون لري                كونلوم قوشو گئنه سيزلره قالخدي

اوره ييم سنين چون يامان داريخدي

بيلميرم هئچ منده بو نه تشويشدي                 كونول آيريليغين گيرينه كئچدي

او معصوم گوزلرين ياديما دوشدو                      سانكي دامار دامار قلبيمي سيخدي

اوره ييم سنين چون يامان داريخدي

سن منه يئنيدن دونيا ياراتدين                              عومرومه تر تزه اومود جالاتدين

سئويپ سئويلمه يه مني اوجاتدين                      سوگين شمشه كيمي قلبيمه چاخدي

اوره ييم سنين چون يامان داريخدي

سنسيز ياسمن لر سارالدي سولدي                  دوست دوغما سيرداشيم تكجه غم اولدي

بو يازيغ اوره ييم غمنن يورولدي                       گور نجه بو سئودا ائوييمي ييخدي......

اوره ييم سنين چون يامان داريخدي

ايلك دفعه گوزونو كوزومه سالدي                      ائله بيل جانيمي بير افت الدي......

سئوينجيم گولوشوم اوگونده قالدي                      گوزلريم نه اوچون گوزونه باخدي

اوره ييم سنين چون يامان داريخدي

دئ كيمله گوروشدون اوننان ازلدن                     سئويرم گوزله دين هانكي گوزه لدن

بلكه ياپيشميسان بير اوزگه الدن                      بيليرم عاشق سن خبري چيخدي

اوره ييم سنين چون يامان داريخدي

دئميره م كيمسه ايله سني پايلاشيم                  يا سنن كيمسه يه بير سوز دانيشيم

تك سنين اودونا گوي من اليشيم                  بيليرسن سنين چون يوللار اچيخدي

اوره ييم سنين چون يامان داريخدي

او گوزه ل اوزونو گوردوم گوزه ليم            اسدي ديل دوداغيم بوتون بدنيم

گورنجه يئر اشدين جانيمدا منيم                 سئوگين اينجه اينجه قلبيمه اخدي

اوره ييم سنين چون يامان داريخدي

اله سئوديم سني اوزون بيلمه دين                 وفا سيز اوزگه نين بلي سين دئدين

نه اولار يوخوما بير يول سالئيدين                گونلر آيريليخ لا گئچير نه واخدي

اوره ييم سنين چون يامان داريخدي

دهشتلي گئجه دي يئل تيتره مه ده               قورخولو يوخودان بئل تيتره مه ده

سئويره م دئمه يه ديل تيتره مه ده                هارداسان گليشه سونونجو واخدي

اوره ييم سنين چون يامان داريخدي

امينه اميرپور – بهداشت عمومي

گؤنده ر     بؤلوم لر: توركون ديلي